ឆ្នាំ២០២៥ មកដល់បច្ចុប្បន្ន ប្រព័ន្ធទិន្នន័យមូលដ្ឋានឃុំ សង្កាត់ បានផ្លាស់ប្តូរ មកនៅក្រោមការគ្រប់គ្រងរបស់វិទ្យាស្ថានជាតិស្ថិតិ និងត្រូវបានធ្វើទំនើបកម្មទៅជាប្រព័ន្ធទិន្នន័យមូលដ្ឋានឃុំ សង្កាត់ ថ្មី (CDB Online) ដែលទំនើបជាងមុនស្របតាមសម័យកាលឌីជីថល។ CDB ពីមុន បានប្រើប្រាស់កម្មវិធីជាច្រើន មានភាពស្មុគស្មាញ និងត្រូវ Copy ទិន្នន័យដាក់​ USB រួចបញ្ជូនមកថ្នាក់ជាតិដើម្បីគណនាតាមរូបមន្តផ្សេងៗ បន្ទាប់មកត្រូវបញ្ជូនទៅថ្នាក់ក្រោមជាតិវិញ និងមិនមានការចែករំលែកទិន្នន័យទេ។ បច្ចុប្បន្ននេះ យើងបានធ្វើបច្ចុប្បន្នភាពទៅជា CDB Online ដែលអាចទាញយកទិន្នន័យបានភ្លាមៗនៅថ្នាក់ជាតិ និងងាយស្រួលក្នុងការចែករំលែកដល់អ្នកប្រើប្រាស់តាមតម្រូវការ។